1

Изыдет старик, иский мудрости;

приидет малец школны научити его.

СТАРИК

Бог в помощь, государи! Все здравы будите,

Крутчины[159]на беднаго мене не кладите,

Что вышел дерзновенно между милость вашу:

Ума хощу сыскать на потребу нашу.

Кто ведает, где разум в лавках продается?

Аршин с десят купити старик волочется[160].

Уже мне докучно без ума жити.

Аще[161]бы возможно паки[162]младым быти,

Принях бы ся за книгу руки и зубами,

Дабы ума набити в главу кулаками;

А ныне готов есм добраго стяжати,

Токмо бы кто изволил разума продати.

(Выходит малец учителей с свитком и с плетью.)

МАЛЕЦ

Бог ти в помощь, старче! О чем ти крутчина,

Повеждь: аз[163]тя утешю, искусны детина.

СТАРИК

Ума хощу купити, да не обретаю;

Ходя, у добрых людей давно вопрошаю.

МАЛЕЦ

Не кручинся, о старче! Аз много имею

Ума и старых людей учити умею,

Точию есть потребно, что велю, творити

И ни в едином слове упорчивым быти.

СТАРИК

Вся готов есм творити, учителю честны!

Во мздовоздаянии[164]тебе не буду лестны.

МАЛЕЦ (показует свиток и глаголет[165])

В сей хартии[166]есть разум. Потребно ю съясти[167],

Изрядно разрезавши на мелкия части.

СТАРИК

То готов есм сотворити, Точию бы мудрым быти.

(Тогда малец разрежет, а старик яст и глаголет.)

СТАРИК

О! вкус жесток есть; хочется блевати.

МАЛЕЦ

Терпи, аще тя хощет и прервати

Горек труд ныне, но сладки плод будет,

Егда в главе ти ума прибудет.

(Егда съяст старец, тогда малец на бумаге напишет азбуку и учит старика.)

МАЛЕЦ

Глаголи со мною. Аз[168].

СТАРИК

Увяз.

МАЛЕЦ

Буки.

СТАРИК

Учителя прибрат в руки[169].

МАЛЕЦ

Глагол.

СТАРИК

Учителя за хохол!

МАЛЕЦ

Мало памяти во главе, по телу разплыся;

Хощу во главу вогнати, токмо положися.

(Старик ляжет, а малец от ног плетию во главу память вгоняет и глаголет трижды.)

Иди во главу, память! Ты, старче, учися!

Но за соху паки приимися.

СТАРИК

О! Есть память! есть! Уже добре знаю,

Изрядно писмо то прочитаю.

МАЛЕЦ

Чти гласно[170].

СТАРИК (читает)

Аз, буки, веди, глагол.

МАЛЕЦ

Се память в главу вся добре собрася.

Се уже писмо добре прочитася.

Но днес[171]доволно, да ты не стужиши;

Приходи рано, да ся болши учиши.

СТАРИК

Кто ся не хощет и в юности труждати,

Должно тому есть в старости страдати.

Данный текст является ознакомительным фрагментом.