Симеон Полоцкий (1629–1680)

Симеон Полоцкий (1629–1680)

5. Разнствие

Кто есть царь и кто тиран, хощеши ли знати,

     Аристотеля книги потщися читати.

Он разнствие обою сие полагает:

     царь подданым прибытков ищет и желает,

Тиран паки прижитий всяко ищет себ?,

     о гражданстей ни мало печален потреб?.

<1678>

6. Частость

Не сила капли камень пробивает,

     но яко часто на того падает;

Тако читаяй часто научится,

     аще и не остр умом си родится.

<1678>

7. Слово

Птицу из клетки скоро мощно испустити,

            но труд есть паки в тужде ону возвратити.

Точне без труда слово из уст ся пущает,

            но никоим образом воспят ся вращает.

Егда убо хощеши нечто глаголати,

            потщися прежде оно умом рассуждати,

Да не како печаль ти велику содеет,

            егда в ушесех людских везде ся рассеет.

<1678>